InicioDeportesFestival de sendeirismo na Ribeira Sacra

Festival de sendeirismo na Ribeira Sacra

O evento, que terá lugar esta fin de semana e non ten precedentes en Galicia, reúne deporte, música e gastronomía.

Publicado o

- Advertisement -

Trátase dunha iniciativa do Consorcio de Turismo Ribeira Sacra que nace co fin de seguir poñendo en valor os recursos da zona como o románico, o viño, a paisaxe e os esgrafiados a través da práctica do sendeirismo. Unha actividade alternativa saudable e sostible coa que é posible coñecer a Ribeira Sacra máis descoñecida para a maioría dos visitantes.

As rutas tematizadas son o punto forte desta primeira edición, que se celebrará durante as xornadas do 12 e 13 de maio. Case vinte rutas que se desenvolverán de forma simultánea e nas que se percorrerán paraxes espectaculares da man de guías especializados cos que ademais se aprenderán cousas de temas tan diversos e tan relacionados na contorna como son a viticultura, a historia, etnografía, esgrafiados, aves e incluso fotografía.

Meandro da Cubela. Ribas de Sil.

A programación contempla numerosos percorridos pensados para todos os públicos, desde os máis pequenos ata os máis aventureiros, con diferentes dificultades e duración. Todos os percorridos programados están enmarcados na Ribeira Sacra e con algo en común, a festa que marcará o punto final deste evento. Unha reunión na que todos os participantes se poderán coñecer e gozar do día mentres degustan produtos locais e escoitan aos mellores artistas da zona. O punto de encontro final será o sábado 12 no Mosteiro de Santa María de Xunqueira de Espadañedo e no Pavillón Municipal de Bóveda.

Toda a información sobre o Festival de Sendeirismo Ribeira Sacra 2018 pode ser consultada na páxina web oficial do Consorcio de Turismo Ribeira Sacra.

 

ÚLTIMAS

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...

Xornadas Pacegas sobre as Revoltas Irmandiñas, o 6 e 7 de maio no Museo Pazo de Tor

O Museo Pazo de Tor acollerá os vindeiros 6 e 7 de maio a...