A pista de padel do Saviñao leva un mes fóra de servizo

A denuncia sobre o actual estado da instalación deportiva é unha iniciativa do partido político BNG

Estado da pista de padel do Saviñao/BNG Saviñao

O partido do BNG Saviñao reclamou no pleno celebrado o 12 de xuño que se arranxaran as instalacións actuais da pista de padel debido a que no concello hai moitos veciños que practican este deporte e actualmente estanse vendo obrigados a desprazarse a outros municipios para xogar.

Dende o BNG Saviñao explican que as intensas choivas do pasado mes de maio despegaron o pavimento da pista de padel o que motivou que quedara inutilizada. Pasado un mes da inundación, o actual goberno municipal aínda non levou a cabo as accións necesarias para proceder ó seu arranxo. Por outra banda, entre as actividades estivais que ofrece o Concello están incluídas clases de padel pero dende o BNG aínda non saben como se van a celebrar tendo en conta o estado actual da instalación deportiva.

DEIXAR UN COMENTARIO

Please enter your comment!
Please enter your name here