Igualdade e superación nos colexios do Saviñao da man da atleta Nuria López

A atleta saviñense internacional Nuria López disertou sobre igualdade e superación nos colexios de Escairón e Curelos. A charla enmarcouse dentro do Programa de sensibilización, información e difusión sobre igualdade e prevención da violencia contra as mulleres da Secretaría Xeral de Igualdade da Xunta de Galicia.

charla O Saviñao Nuria López / concello do Saviñao

Nuria López, natural da parroquia de Licín, conta cun excelente palmarés. Foi campioa de España 18 veces en 100, 200 e 400 metros; 8 veces récord de España en 100, 200 e 400 metros; e bronce e prata na Copa do Mundo de París en 2019.

O alcalde, Carlos Armesto, agradece a disposición da deportista por compartir a súa experiencia cos rapaces destes dous centros, pois, “sen lugar a dúbidas, remarca o rexedor, Nuria é todo un exemplo á hora de afrontar dificultades. Querer é poder, e a nosa veciña demostrouno con creces”. 

O máximo mandatario do Saviñao engade: “Estamos moi orgullosos dos seus éxitos pero, sobre todo, da súa persoa, xa que foi quen de levar o nome do noso pobo a distintos países do mundo, demostrando que temos un gran potencial tamén no eido deportivo e, dun xeito máis humano, no tamén eido da superación”.

DEIXAR UN COMENTARIO

Please enter your comment!
Please enter your name here