O Club Natación de Monforte estrea nova Directiva

Semana intensa para o club. Despois de renovar organigrama directivo, os días 29 e 30 compite en Ourense.

Nadadores e nadadoras do C. N. Monforte. Foto cedida polo Club

O pasado mércores 26 de maio, e tras unha xunta extraordinaria, o Club Natación de Monforte procedeu á elección dunha nova Directiva.

José Manuel Martínez Berjano foi relevado na presidencia por Leonor Franco Pérez, quedando como vicepresidenta, Raquel Escudero Fernández; como secretaria, Sabela Moreiras Cuesta; e como tesoureiro, Ramón Pérez Arias.

Un novo proxecto que segundo explican “tratará de darlle un novo rumbo na consecución de todos aqueles obxectivos que se viron un pouco ralentizados pola situación actual”.

COMPETICIÓN EN OURENSE

Este sábado 29 de maio varios dos nadadores e nadadoras do club participarán no ‘Trofeo Pedro Escudero’, en xornada de mañá e tarde, na piscina Rosario Dueñas de Ourense. Trátase dunha competición absoluta e a gran maioría dos nadadores e nadadoras son de idades inferiores. Aínda así esperan un gran rendimento na mellora de tempos, mínimas e incluso algún podio entre os/as máis veteranos/as.

O domingo 30 disputarán a ‘Copa Deputación’ na xornada de mañá as categorías promesas, benxamíns e alevíns tamén en Ourense, tamén na Piscina Rosario Dueñas.

DEIXAR UN COMENTARIO

Please enter your comment!
Please enter your name here