O CN Monforte suma mínimas para o campionato galego absoluto

Esta fin de semana o Club Natación Monforte disputou en Xove a primeira xornada de tres, nas que se divide o campionato provincial de Lugo. O sábado en xornada de tarde competiuse co CN Xove, anfitrión e organizador desta xornada, CN Fluvial de Lugo e CN Portamiñá.

Club Natación Monforte en Xove / CN Monforte

O Club Natación Monforte acudía con 19 nadadores e as probas que nadaron foron o 50libres, 200 braza, 100costas, 100 estilos, 400libres e 200 bolboreta todas en masculino como en feminino. As categorías que compiten no provincial son desde infantil ata absoluto polo que o rango de idade comprendíase entre os 12 anos da máis nova aos 22 do máis veterano e foi precisamente el, Pablo Valcarce, quen conseguiu a única medalla da expedición, que foi un bronce en 100costas aínda que quedou a unhas décimas de subir novamente ao podio nos 100estilos.

A falta de resultados oficiais tamén conseguiu unha mínima para o campionato galego absoluto un dos nosos infantís, Odei Arias, que realizou un moi bo 100 costas que o colocou moi preto do podio, do mesmo xeito que o seu compañeiro junior, David Conde, que tamén se tivo que conformar cunha medalla de chocolate na esixente proba da 200bolboreta na que conseguiu mínima para o seu territorial.

Outras novas mínimas posibles, a falta de confirmación, foron a de Elena Arias na 200braza, Esther Martínez en 100costas, Odei Arias en 100estilos e Daniel Pérez en 200braza. O resto da expedición realizou nunha alta porcentaxe, as súas mellores marcas en piscina de 25. O vindeiro sábado 18, o CN Monforte desprazarase ata Redondela cos membros máis novos do club para que disputen as súas correspondentes ligas.

DEIXAR UN COMENTARIO

Please enter your comment!
Please enter your name here