Antía xoga no cadete do coñecido Club Korbis de Monforte e esta fin de semana disputará co seu equipo a promoción de ascenso á 1ª división galega.
A convocatoria coa selección española foi unha grata sorpresa tanto para ela como para o seu adestrador, Roberto Castro, quen recibiu a noticia tras a chamada do seleccionador galego Charly Suárez.
A xogadora monfortina ocupa a posición de líbero e o seu punto forte é a liña defensiva. Comezou a xogar no equipo dos Escolapios, co que foi subcampiona provincial federada en 2016 e demostrando xa ter altas capacidades para este deporte. A temporada seguinte en categoría infantil, e xa no Korbis, foi unha das xogadoras destacadas e determinante para acadar o ascenso a 1ª división.
No Club Korbis non ocultan a súa satisfacción con esta convocatoria. Un éxito máis que cómpre sumar a outras convocatorias non menos importantes como a das infantís Carla, Laura, Sari e Aisha; ou a dos xogadores David e Luis Cota.