Axudas para deportistas individuais da provincia de Lugo

Prazo aberto ata o 1 de abril con contías que van dos 300 aos 1.500 euros grazas ao compromiso económico da Deputación que achega un montante total de 85.500 euros.

Presentación das axudas ao deporte na Deputación de Lugo. Foto: Prensa DL

Segundo as bases, as bolsas ofertadas teñen por obxecto cubrir os custos e considéranse beneficiarios/as das mesmas as persoas físicas que sexan deportistas federados/as, de calquera categoría, exclusivamente de modalidades deportivas individuais, debendo ter ademais a nacionalidade española e residir legalmente nalgún dos municipios da provincia de Lugo.

O prazo para solicitar as axudas atópase aberto dende a publicación das bases no BOP do 9 de marzo e rematará o vindeiro 1 de abril. O importe total das mesmas ascende a 85.500 euros con contías individualizadas que van dos 300 aos 1.500 euros dependendo dos casos concretos que se contemplan.

Na súa concesión, teranse en conta aspectos como os resultados acadados en competicións internacionais, estatais, galegas e provinciais, así mesmo valóranse a integración grazas as bolsas dedicadas integramente a deportistas con capacidades diferentes.

axudas a entidades deportivas

Como xa informamos días atrás, tamén está aberto o prazo para a solicitude de axudas a entidades deportivas ata este venres, 15 de marzo.

DEIXAR UN COMENTARIO

Please enter your comment!
Please enter your name here