330.000 euros na renovación dos 2 campos de fútbol da Medela, en Taboada

A Deputación Provincial destinou 330.000 euros a estas actuacións de mellora, das que máis de 100 deportistas se beneficiarán na vindeira tempada.

Campo de Fútbol da Medela / Deputación Provincial

No Concello de Taboada hai 3 equipos de fútbol que usan estas instalacións, Taboada Club de Fútbol, Atlético Taboada e Taboada Veteranos. Durante esta tempada, os xogadores tiveron que desprazarse a outros Concellos limítrofes para competir nas respectivas ligas debido ás obras no campo municipal.

Desde a Deputación sinalan que os traballos están a piques de rematar e que para na vindeira tempada os xogadores poderán utilizar as novas instalacións. Renovouse o céspede do campo de herba natural, dotouse de herba artificial ao campo de adestramento e instalaouse un novo sistema de rego para os dous terreos de xogo da Medela.

Desde a Deputación sinalan que estas colaboracións forman parte da súa aposta pola promoción do deporte como hábito de vida saudable, “capaz de dinamizar a economía e o turismo do Concello.”

DEIXAR UN COMENTARIO

Please enter your comment!
Please enter your name here