RTVE ten á venda en Idealista o inmoble do que dispón en Monforte

A Corporación RTVE ten á venda 28 inmobles no portal inmobiliario Idealista que suman un valor conxunto de 20 millóns de euros

Praza de España Monforte / lugaresquevisitar.com

EFE.- RTVE busca con esta campaña optimizar o seu patrimonio, poñendo en venda ou en aluguer os seus inmobles sen uso. Entre os activos que mantén á venda destacan seis vivendas repartidas entre Valencia, Tarragona, Talavera de la Reina (Toledo), Jerez de la Frontera (Cádiz), Monforte de Lemos (Lugo) e Teruel.

Na carteira de activos destaca un dúplex de 1.265 m2 na rúa Colón de Valencia por un valor superior a 5 millóns de euros; inclúe tamén oficinas, entre as que destacan dúas en Zaragoza por 2,6 millóns e 2,2 millóns de euros, respectivamente, e un edificio de oficinas en Santa Cruz de Tenerife por máis de 1,8 millóns de euros. Inclúense tamén oficinas en Pamplona, Mérida (Badaxoz), Torrelavega (Cantabria), Santander, Elxe (Alacante), ou Tarragona.

Polo que respecta aos locais, figura un en Murcia por máis de 1,6 millóns, outro en Valladolid por un valor superior ao millón de euros, e outro en Madrid por máis de 900.000 euros. Así mesmo, a corporación puxo tamén á venda locais en Vigo (Pontevedra), Cádiz, Xirona, A Seu d’ Urgell ( Lérida), Xaén e Selecta. Ademais, figura tamén un terreo en Son Sardiña (Palma de Mallorca) por 544.000 euros.

DEIXAR UN COMENTARIO

Please enter your comment!
Please enter your name here