A D.O. Ribeira Sacra e Caixabank asinan convenio de colaboración

O Presidente do Consello Regulador da D.O. Ribeira Sacra, José Manuel Rodríguez e o Director de Área de Negocio de Caixabank na provincia de Lugo, Igor de las Heras, asinan un convenio de colaboración a través do cal viticultores e adegueiros, adheridos á D.O., beneficiaranse de servizos e produtos financeiros destinados a cubrir as necesidades do sector.

Firma convenio / D.O. Ribeira Sacra

Esta nova relación financeira ofrece préstamos e outro tipo de produtos bancarios, adaptados ás necesidades de cada viticultor e do territorio. Igor de las Heras destaca que “A nosa intención é que este acordo sexa útil para o Consello Regulador. Nós achegamos a parte tecnolóxica coa tarxeta que ofrecemos e todos os servizos financeiros. Gústanos o sector e todo o relacionado co medio ambiente e a natureza.”

Pola súa banda José Manuel Rodríguez sinala que “Este convenio é resultado de querer colaborar cunha entidade que entendeu as nosas inquietudes. Hai servizos que solucionarán situacións dos viticultores. A tarxeta é unha ferramenta máis, adaptada aos tempos e con máis capacidade para controlar o viñedo.”

O convenio solucionará moitas situacións financeiras propias do sector, segundo afirmou o Presidente do Consello Regulador da D.O. Ribeira Sacra, “Estamos no camiño de ir mellorando cada día, imos cara a unha Ribeira Sacra máis forte e máis recoñecida”.
page1image2357355776

O convenio de colaboración tamén abre a posibilidade a outro tipo de servizos como xornadas formativas, rentings, asesoramento en procesos de internacionalización,… todo enfocado ás particularidades do sector.

page1image2357401440

DEIXAR UN COMENTARIO

Please enter your comment!
Please enter your name here