A estas achegas poden concorrer establecementos de turismo rural e hoteleiros, apartamentos e vivendas turísticas, campamentos, axencias de viaxes, cafeterías, bares, restaurantes e empresas de servizos complementarios. O procedemento de concesión tramitarase en réxime de concorrencia competitiva.
O prazo para solicitar estas axudas estará aberto ata o 13 de xuño. As solicitudes realizaranse por medios electrónicos a través do formulario dispoñible na sede electrónica da Xunta.
Considéranse actuacións subvencionables as dirixidas á mellora da calidade turística mediante procesos de primeira certificación, seguimento e/ou renovación da marca Q de Calidade Turística do ICTE, correspondentes ao ano 2019 e que se inicien a partir do 1 de xaneiro de 2019. Inclúense, entre outros, os custos de auditoría externa facturados pola entidade auditora acreditada polo ICTE e tamén os derivados dos dereitos de uso da marca Q no ano 2019, unha vez conseguida a certificación, o seguimento e/ou a renovación do establecemento, facturados polo ICTE ao establecemento.
O ano pasado accederon a esta liña de achegas 23 empresas do sector turístico da provincia de Lugo. Na Zona Sur beneficiáronse os municipios de Quiroga, Chantada, Sober e Sarria.