Continúa aberta a solicitude de axudas para as explotacións agrícolas

Nunha visita a unha granxa avícola en Ferreira de Pantón, José Manuel Balseiro destacou a importancia destas achegas para modernizar o sector agrícola galego.

Visita do delegado da Xunta en Lugo a unha explotación en Ferreira de Pantón / Xunta de Galicia

O prazo de solicitude das axudas de apoio a investimentos nas explotacións agrícolas permanecerá aberto ata o vindeiro 20 de xuño. Concretamente, estas subvencións están destinadas a impulsar plans de mellora, promover a creación de empresas por persoas mozas e desenvolver pequenas explotacións.

Na convocatoria do ano pasado, Lugo foi a provincia máis beneficiada, con máis de 20 millóns de euros en axudas e 738 beneficiarios distribuídos en 16,27 millóns de euros para plans de mellora, 5,49 millóns de euros para novas incorporacións e 2,34 millóns de euros para pequenas explotacións. Nesta convocatoria, o orzamento total para toda a comunidade é de 42 millóns de euros, cofinanciados co Fondo Europeo Agrícola de Desenvolvemento Rural (FEADER).

O pasado día 12 de xuño o delegado territorial da Xunta en Lugo, José Manuel Balseiro, visitou unha granxa avícola beneficiada por estas subvencións en Ferreira de Pantón. Alí, destacou a importancia destas subvencións “para modernizar as explotación gandeiras e agrícolas; favorecer a incorporación de xente moza que colle o relevo no agro e para dimensionar pequenas granxas e facelas máis competitivas”.

DEIXAR UN COMENTARIO

Please enter your comment!
Please enter your name here