Comezo oficial da vendima na Ribeira Sacra con 723.204 quilos de uva xa nas adegas

Este xoves, día 19 de setembro, é a data que a D.O. Ribeira Sacra marcou como data recomendada para o inicio xeneralizado da vendima.

Vendima na D.O. Ribeira Sacra. Foto: CRDORS

Aínda sendo hoxe o “día oficial” de comezo da vendima, algunhas adegas xa remataron e outras levan xa varias xornadas de traballo. Dende o día 28 de agosto recolléronse xa 723.204 quilos de uva, 451.210 quilos da variedade Mencía e 156.086 de Godello. Do resto de variedades lévanse recollido:

Variedades tintas

  • Brancellao 6.013 kilos
  • Merenzao 16.005 kilos
  • Caíno 14.420 kilos
  • Grao Negro 1.400 kilos
  • Garnacha 10.068 kilos
  • Mouratón 343 kilos
  • Sousón 5.144 kilos
  • Tempranillo 15.959 kilos

 Variedades brancas

  • Albariño 34.400 kilos
  • Blanco Legítimo 60 kilos
  • Dona Branca 2.292 kilos
  • Loureira 463 kilos
  • Torrontés 1.852 kilos
  • Treixadura 489 kilos

Das 98 adegas que está previsto que vendimien ao amparo da D.O. Ribeira Sacra nesta campaña, 33 están a realizar labores de vendima, 19 téñena paralizada e 4 xa remataron. Con estas contas, son 42 adegas as que aínda non iniciaron os traballos de recollida.

As previsións son que, entre hoxe e mañá, comecen cos traballos de vendima un volume importante de adegas. Espérase que despois desta fin de semana se supere o millón de quilos de uva.

As choivas e episodios puntuais de treboadas que tivemos nesta última semana non afectaron ás viñas e continúa a normalidade na Denominación. A uva que está a entrar en adega segue nun estado sanitario óptimo e as condicións meteorolóxicas están a ser moi favorables polo que a previsión segue sendo superar os 7 millóns de quilos de uva nesta campaña.

DEIXAR UN COMENTARIO

Please enter your comment!
Please enter your name here