13.603.301 euros, os orzamentos de Monforte para o 2020

O alcalde de Monforte vén de presentar os orzamentos para o ano 2020, que ascenden a 13.603.301 €. Esta cifra supón un incremento de 670.250 € con respecto ó ano 2019, é dicir, un 5,18 % máis. O goberno municipal asegura que rematará o presente ano con débeda cero.

Concello de Monforte de Lemos

A previsión de ingresos do orzamento para o ano 2020 é de 13.603.301,64 €, o que supón un incremento sobre o presente ano de 670.250,54 €, o que representa un 5,18% de crecemento.

Os fondos deste incremento proceden da participación nos Tributos do Estado por importe aproximado os 300.000 € mentres que os Fondos de Cooperación cos Concellos da Xunta de Galicia aumentan soamente 1.798,50 €. O rexedor municipal destacou como dato relevante a débeda cero, que o Concello de Monforte non debe ningún euro aos bancos.

Polo que respecta ao gasto nas áreas de goberno, prodúcese un aumento do gasto social, pasando en axuda a domicilio de 1.171.342,52€ do presente ano a 1.286.255,68 €.

O gasto de persoal, aumenta nun 0,8% da masa salarial en relación con 2019, o que supón un aumento de 35.000 € en relación co ano anterior, sendo a cifra resultante de 4.502.743,96 €, o que supón o 33,10% do orzamento. A partida destinada ás Festas Patronais e verán cultural é de 300.000 €.

En deportes mantéñense as axudas, despois de que fosen duplicadas no pasado mandato. Na área de cultura tamén aumenta o orzamento en mais de 57.000 € que irán destinados ó incremento de actividades culturais e tamén a investimentos de adquisición de materiais para o conservatorio.

Polo que respecta a outras entidades mantéñense as axudas nominativas que se viñan concedendo:

  •      -Centro Comercial Urbano………10.000€
  •      -CLARISAS…………………………….3.000€
  •      -NAUFRAGOS DO PARADISO…… 4.000€
  •      -FANCINE DE LEMOS…………….. 3.500€
  •      -CINE CLUB A CALEXA………….. 1.500€
  •      -MUSEO DO FERROCARRIL……… 8.000€
  •      -CARITAS …………………………..5.000€
  •      -CRUZ VERMELLA…………………. 2.000€
  •      -ASC. PRACEIROS………………….. 2.000€
  •      -ASOC. HOSTELERIOS……………. 2.500€
  •      -MUSEO CASA DAS MUÑECAS… 2.000€
  •      -RALLY DAKAR…………………… 5.000€
  •      -CORAL DE RENFE………………  1.500€
  •      -CARUDE ROCK……………………4.000€

DEIXAR UN COMENTARIO

Please enter your comment!
Please enter your name here