InicioEconomíaAvances no proceso de electrificación do tramo de ferrocarril Monforte-Lugo

Avances no proceso de electrificación do tramo de ferrocarril Monforte-Lugo

Adif licitou o contrato para as obras de execución do proxecto construtivo de electrificación deste tramo por un importe de 21.230.252,91 euros (IVE incluído) e un prazo de 18 meses.

Publicado o

POR
Redacción
- Advertisement -

Este proxecto enmárcase nas actuacións promovidas por Adif para a mellora da conexión ferroviaria entre Ourense, Monforte de Lemos e Lugo, co obxectivo de incrementar a súa calidade e fiabilidade.

A actuación consiste na instalación de liña área de contacto entre as estacións de Monforte de Lemos (Porto Seco) e Lugo Mercadorías (liña León-A Coruña), un subtramo que na actualidade non está electrificado.

TRABALLOS DE ELECTRIFICACIÓN

A nova electrificación abarcará un tramo de algo máis de 73 quilómetros entre os puntos quilométricos (pp. kk.) 363/403 e 436/605 da liña León-A Coruña, correspondentes á saída da estación de Monforte de Lemos e á saída da estación de Lugo Mercadorías. Inclúe a electrificación das estacións de Rubián, Oural, Sarria, A Pobra de San Xiao, Laxosa, Lugo e Lugo Mercadorías. Instalarase liña área de contacto de 25 kV de corrente alterna, tipoloxía propia das novas electrificacións.

As súas principais características son as seguintes:

-Catenaria simple poligonal atirantada, formada por un sustentador apoiado e un fío de contacto. A liña de contacto estará compensada mecanicamente de forma independente para o sustentador e para o fío.

-Sistema de retorno de tracción con cable de retorno e carril principal de retorno.

-Velocidade de deseño da catenaria: 200 quilómetros/ h.

Segundo indican tamén dende Adif, estas melloras no tramo en servizo Ourense-Monforte de Lemos-Lugo -nas que se enmarca a licitación devandita- teñen como obxectivo cumprir cos compromisos desta entidade coa mellora de condicións de explotación comercial do traxecto, dándolle máis fiabilidade, confort e mellorando os tempos de viaxe.

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...