InicioEconomíaO proxecto de ampliación de Oviganic Ibérica en Monforte, iniciativa empresarial prioritaria

O proxecto de ampliación de Oviganic Ibérica en Monforte, iniciativa empresarial prioritaria

O Consello da Xunta vén de declarar iniciativa empresarial prioritaria o proxecto de Oviganic Ibérica para a ampliación e modernización da planta produtiva que a empresa ten no municipio de Monforte de Lemos. O proxecto suporá a creación de 50 postos de traballo, entre directos e indirectos.

Publicado o

POR
Redacción
- Advertisement -

A ampliación e modernización da fábrica –adquirida polo grupo chinés YeePer en 2019– ten como finalidade ampliar a súa capacidade produtiva e mellorar a súa competitividade, construíndo unha nova liña de fabricación de leite en po para alimentos infantís de alta gama e instalando unha planta de elaboración -a partir de nata procedente de leite de ovella, cabra e vaca- de aceite de manteiga, preparado base para a produción doutros produtos alimenticios.

O proxecto suporá a eliminación de custos económicos e medioambientais completando nun mesmo territorio as cadeas de subministración de materias primas e elaboración dos produtos, e implicará aforros enerxéticos importantes no proceso produtivo, o envasado, o transporte e a comercialización. Ademais, a partir do seu deseño como iniciativa tractora que complementa cadeas de valor, prevé dinamizar sectores económicos estratéxicos para Galicia, como as explotacións gandeiras de gando bovino, ovino e caprino. 

Oviganic Ibérica vén desenvolvendo de forma innovadora programas de industrialización e comercialización de produtos lácteos destinados á venda no exterior e que comercializa principalmente en China. A empresa está a realizar na actualidade investimentos por valor de case 16 millóns de euros para crear dúas novas liñas de desmineralización de soro e de envasado de mestura seca, que suporán un incremento do cadro de persoal a 66 traballadores, 17 máis dos actuais.

O proxecto de Oviganic Ibérica é a terceira iniciativa empresarial prioritaria de Galicia, unha figura contemplada na Lei de implantación empresarial e que se consolidará na Lei de reactivación económica que se tramita no Parlamento. Búscase así potenciar a captación de investimentos e a creación de emprego de calidade con máis simplificación administrativa, máis incentivos fiscais ás empresas e máis facilidades para acceder ao solo empresarial. 

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...