InicioEconomíaO distrito forestal Lugo-Sarria ingresou 19 millóns pola venda de madeira no...

O distrito forestal Lugo-Sarria ingresou 19 millóns pola venda de madeira no 2020

A provincia consolídase como baluarte do piñeiro a nivel galego.

Publicado o

- Advertisement -

EFE | A Asociación Forestal de Galicia (AFG) informou de que os propietarios forestais da provincia de Lugo ingresaron arredor de 81,8 millóns de euros pola venda de madeira no ano 2020, de acordo cos datos de tallas rexistrados pola Consellería do Medio Rural.

A comarca da Mariña é a que concentra un maior volume de facturación, con 29,6 millóns de euros; seguida pola Terra Chá, con 21,1 millóns, e o distrito forestal de Lugo-Sarria, con 19 millóns de euros.

De feito, os datos da Mariña sitúan a esta comarca como o segundo distrito forestal de Galicia con maior facturación pola venda de madeira durante o pasado ano, moi preto de Ferrol -Ortegal e Bergantiños- As Mariñas Coruñesas, que lidera a lista con 31,2 millóns de euros. Ademais, A Mariña tamén é a segunda comarca de Galicia con máis vendas de madeira de eucalipto, tamén por detrás de Ferrol-Ortegal.

Lugo tamén se consolida, segundo a AFG, como “bastión do piñeiro en Galicia”, pois as tres comarcas con maiores tallas de coníferas corresponden a esta provincia. Destaca a zona de Lugo-Sarria, que supera os 11 millóns de euros de facturación pola venda de madeira de piñeiro.

Con estes resultados, a asociación afirma que “o monte en Galicia” volveu a confirmar que é “un sector resiliente ás cíclicas crises” e as “comunidades de montes e propietarios particulares” demostraron outra vez a “fortaleza do mesmo, cunha xestión “similar á doutros exercicios”.

Please wait while you are redirected...or Click Here if you do not want to wait.

ÚLTIMAS

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...