O sindicato CC.OO. comunicou nunha nota de prensa os datos do paro do pasado mes de febreiro no que destaca a baixada xeral de case todos os concellos da Comarca de Sarria, así como os concellos de Carballedo, en Chantada, e Ribas de Sil, en Quiroga, onde se descontaron das listas do paro 7 e 8 persoas respectivamente.
Como comentamos, Sarria foi a mellor comarca, contabilizando 13 parados menos, mentres que en Chantada baixou en 11 e en Quiroga en 4. Pola contra, a Comarca de Lemos sumou 26 parados/as máis que en xaneiro.
PARO POR CONCELLOS
Comarca de Sarria: Sarria queda con 890 desempregados/as, 7 menos que o mes anterior, Láncara 123 (-7), O Páramo 45 (-2), O Incio 46 (-2), Paradela 50 (-1), Samos 47 (+4) e Triacastela 27 (+2).
Comarca de Lemos: Monforte suma 1314 parados/as, 13 máis, Bóveda 59 (+6), Sober 113 (-4), O Saviñao 164 (+6), Pantón 119 (+3) e A Pobra do Brollón 75 (+2).
Comarca de Chantada: Chantada 537 (-3), Taboada 112 (-1) e Carballedo 71 (-7).
Comarca de Quiroga: Quiroga 179 (+4), Folgoso do Courel 45 (non sufre variación respecto ao mes anterior) e Ribas de Sil 48 (-8).
