InicioEconomíaCinco obradoiros contratarán 100 persoas no sur da provincia de Lugo

Cinco obradoiros contratarán 100 persoas no sur da provincia de Lugo

No acceso teñen prioridade os colectivos con especiais dificultades de inserción no mercado laboral. Finalizado o obradoiro, os e as recén formadas poderán traballar tres meses en empresas da zona.

Publicado o

- Advertisement -

A Consellería de Emprego e Igualdade destina 1,7 millóns de euros a financiar cinco novos obradoiros duais de emprego promovidos por concellos da Zona Sur da provincia de Lugo que se levarán a cabo en 12 municipios a partir de outubro.

O delegado territorial da Xunta, Javier Arias, informou hoxe da resolución da orde de axudas deste ano, que incrementa o orzamento nun 47% con respecto á convocatoria anterior. No conxunto da provincia, destínanse 7,1 millóns de euros a financiar 20 talleres, seis máis que na pasada edición.

Nas comarcas da Zona Sur funcionarán cinco programas que suman 1,7 M€: Serra do Faro VI, organizado por Carballedo e Chantada; Ricra V, que impulsa Pantón con Sober e O Saviñao; o obradoiro de Bóveda, O Incio e A Pobra do Brollón; Sillor VIII, do que forman parte Ribas de Sil, Quiroga e Folgoso do Courel; e o que desenvolverá Monforte de Lemos en solitario centrado nas TIC e a dixitalización.

A súa posta en marcha suporá a contratación de 100 persoas desempregadas para recibir formación -20 por cada taller-, ao que hai que sumar as prazas que se creen de persoal de dirección, administración e monitores.

Os alumnos-traballadores integrados nestes programas, que desenvolven as entidades locais, poden acceder durante nove meses a unha formación de calidade con opción a obter un certificado de profesionalidade e a un contrato de traballo.

Ademais, unha vez remate o obradoiro, poderán traballar nunha empresa da contorna por un mínimo de tres meses cun contrato a xornada completa. Para este fin, a Xunta concede incentivos á contratación, que na Zona Sur foron solicitados polos promotores de tres dos talleres, o que dará acceso ao mercado laboral a 42 persoas.

Arias incidiu na triple dimensión dos obradoiros, que buscan mellorar a empregabilidade dos participantes ofrecéndolles formación teórica e práctica de calidade da man de especialistas nas materias que se imparten; prestar servizos de interese xeral e realizar obras en espazos públicos; ademais de contribuír a crear emprego nos concellos.

No acceso teñen prioridade os colectivos con especiais dificultades de inserción no mercado laboral, como as persoas emigrantes retornadas; as mulleres; as vítimas de violencia de xénero; as persoas que esgotaron as prestacións e subsidios por desemprego; parados de longa duración; maiores de 45 anos; as persoas que carecen de títulos universitarios e de FP de grao superior, excepto para os certificados de profesionalidade de nivel de cualificación 3 nos que se require unha maior formación; e persoas con discapacidade, entre outras.

ÚLTIMAS

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...