En marcha a segunda fase do polígono sarriano do Morelle

As obras licitaranse próximamente co obxectivo de transformar 250.000 metros cadrados en chan industrial para 85 parcelas.

Polígono Industrial do Morelle / GM

Unha das prioridades do equipo de goberno, segundo apunta a alcaldesa Pilar López, foi impulsar esta segunda fase do Polígono do Morelle. Segundo Pilar López o proxecto estaba parado desde o 2013 e sempre que trasladaban a demanda ao goberno de Rajoy recibían como contestación que se estaba redactando o proxecto. Co cambio de executivo a dinámica cambiou e afirma a alcaldesa que así se demostra o compromiso dos socialistas por atender as reclamacións dos sarriáns, permitindo a implantación de novas empresas e xerando postos de traballo.

Asegura Pilar López que nos últimos meses o concello recibiu máis de 25 peticións por escrito de empresarios de distintos sectores demandando chan industrial. A intención é que nas próximas semanas traballadores do Sepes se reunan cos empresarios para informarlles do prezo real por metro cadrado das 85 parcelas que terá o polígono. Unha vez estean licitados os terreos e as obras para a urbanización do polígono, as empresas poderán comprar as parcelas para iniciar a súa actividade.

 

DEIXAR UN COMENTARIO

Please enter your comment!
Please enter your name here