Aira inaugura un Mercarural en Becerreá con seis traballadores

A cooperativa afincada en Taboada abre a súa sétima tenda comercial de Mercarural.

Mercarural Becerreá / Aira

As tendas Mercarural están especializadas en produtos profesionais para agricultores e gandeiros e ofrecen outros artigos para un público urbano de sectores como xardinería, bricolaxe e mascotas. Coas tendas Mercarural, a cooperativa busca ofrecer o máximo número de servizos nunha mesma localización, tanto para os socios como para o resto de clientes.

O Mercarural de Becerreá conta cunha superficie comercial de máis de 700 m2repartidos en espazos destinados a agrotenda, almacén agrario e supermercado. Con esta apertura, Aira segue a liña marcada hai menos dun ano coa integración, de achegar a cooperativa aos socios, abastecéndoos de produtos e servizos que dean resposta ás súas necesidades en todas as zonas nas que Aira ten presenza.

A nova cooperativa Aira nace a comezos deste ano coa unión de Aira, Agris, Coelplan, Cogasar e Icos. Produce, envasa e comercializa produtos de alimentación animal, ademais de proporcionar servizos como combustibles, supermercado, abonos, sementes, forraxes ou taller de mecánica rápida e é tamén produtora láctea.

DEIXAR UN COMENTARIO

Please enter your comment!
Please enter your name here