Disponibles as solicitudes para participar no Mercado Medieval de Monforte

O Concello de Monforte de Lemos vén de abrir o prazo para solicitar a participación na XVII Feira Medieval de Monforte.

Feira Medieval de Monforte / XdL

A edición deste ano celebrarase o sábado 20 e o domingo 21 de abril, cadrando como é costume co remate da Semana Santa.

Dado o volume de participantes con postos no mercado medieval, que cada ano vai a máis, o concello fixo públicas xa as bases que recollen o procedemento de solicitude con toda a documentación que se debe achegar, así como aspectos relacionados coas características dos postos, a decoración dos mesmos,  a utilización de materiais nas súas estruturas, o prezo e os horarios de apertura e peche.

O prazo para inscribirse remata ás 14:00 h. do día 25 de febreiro e o día 8 de marzo publicarase na páxina web municipal a listaxe de admitidos/as, data na que tamén se indicará a forma de facer efectivo o prezo de inscrición.

A organización da XVII Feira Medieval admitirá tres modalidades de postos: alimentación, artesanía e comercio e daráselle prioridade ás solicitudes de vendedores/as de Monforte, así como aqueles postos de artesanía con carta de artesá/na.

O prezo que se fixa para os postos de artesanía e comercio será de 41,19 € para os que midan ata 3 metros de longo e de 51,54 € para os que pasen desta medida. Na categoría de postos gastronómicos o importe a ingresar será de  61,89 € independentemente do seu tamaño.

DEIXAR UN COMENTARIO

Please enter your comment!
Please enter your name here