Reforma dos ‘pendellos de Cadeiras’, de gran valor etnográfico en Sober

O Goberno local do Concello de Sober vén de comezar os traballos destas singulares construcións que están situadas ao carón do Santuario.

Reforma dos pendellos, no santuario de Cadeiras. Fonte: Prensa do Concello de Sober

A obra realizarase en 40 metros liñais dos pendellos de cara ao este, por ser os que presentan un maior deterioro.

Estado actual da reforma. Fonte: Prensa Concello de Sober

O obxectivo desta acción restauradora é cambiar por completo a cuberta, que levará madeira de castiñeiro e tella curva tradicional, e acondicionar o chan con xabre tradicional compactado. Tamén se cambiaron xa catro columnas de granito do país que presentaban un alto deterioro.

A obra está cofinanciada por Turismo de Galicia, que achega o 60 por cento, e polo Concello de Sober, que asume o 40 por cento dun orzamento total de 50.000 euros.

As obras están sendo executadas pola empresa local Construcciones Piñeiro e a previsión é que os traballos rematen no mes de novembro.

DEIXAR UN COMENTARIO

Please enter your comment!
Please enter your name here