Veciños do monte Oribio saen en defensa do parque eólico co alcalde de Samos á cabeza

Veciños de Samos a favor do parque eólico do Oribio / Remitida

Máis dun cento de veciños de Samos e Triacastela manifestáronse este mediodía en Samos para solicitar que se desbloquee a construción do parque eólico do Monte Oribio. Segundo os manifestantes, o parón non só impediu o remate da instalación, senon que tamén causa unha crecente inquedanza entre os veciños da zona.

Os participantes nesta xuntanza popular reclaman “que non se poñan máis trabas á finalización dunhas obras que permitirán, entre outros aspectos, a dinamización económica de zona.”

As obras para a construción do parque eólico no Monte Oribio comezaron hai meses, pero foron detidas o pasado verán. Os veciños aseguran que non comparten as opinións contrarias ao parque e aseguran que a instalación é respectuosa co entorno, cos patrimonios medioambientais e culturais, e que, ademais, Samos e Triacastela poderán beneficiarse da creación de postos de emprego e riqueza. Estes factores permitirán asemade a mellora das infraestruturas dos dous concellos.

Julio Gallego, alcalde de Samos, amosou o seu compromiso cos seus veciños e, trala manifestación fixo unhas declaracións expresando o seu malestar pola situación actual e pedindo que se atenda as demandas dos veciños e que se rematen as obras do Parque que ademais de xerar riqueza permitirá a obtención de enerxía limpa e renovable. O alcalde, ademais, cuestionou os criterios da declaración de rede natura nese entorno.

Pola súa banda, Agapito Rey, representante do grupo de veciños do Monte Oribio, mostrouse contrariado polo parón xa que para eles é o único proveito que ten o monte.

DEIXAR UN COMENTARIO

Please enter your comment!
Please enter your name here