- Advertisement -
Nas últimas horas declarouse un incendio forestal no concello de Ribas de Sil, concretamente na parroquia de Peites. Neste foco, activo desde as 1:44 horas da madrugada e que afecta a máis de 20 hectáreas, traballaron dous axentes, 10 brigadas e oito motobombas.
Pola contra, quedou apagado o incendio forestal que se iniciou na medianoite do venres en Quiroga, na parroquia de Hospital, tras arder unhas 53 hectáreas de superficie –34 arboradas e 19 raras–. Na súa extinción participaron 12 axentes, 41 brigadas, 23 motobombas, dúas pas, sete helicópteros e seis avións.