EFE.- A intervención, dirixida por Manuel Xeonllo, foi distinguida por unanimidade na categoría de intervencións privadas no patrimonio construído e a súa contorna, no lugar de Vilar de Ortelle.
O obxectivo principal deste galardón é recoñecer aquelas intervencións que recuperen o patrimonio construído e poñan en valor a súa contorna. A recuperación da Míllara foi destacada polo xurado por dar unha nova vida a unha aldea abandonada no corazón da Ribeira Sacra, con criterios de sustentabilidade e de respecto ao patrimonio construído preexistente.
Na vella aldea reconstruíronse as vivendas e os espazos públicos, así como a adega antiga, durante dez anos de traballo.