José Tomé subliñou que con esta achega, a institución provincial contribúe a poñer en valor estes bens patrimoniais, “dentro da nosa aposta pola promoción do territorio para dinamizar a economía.” As actuacións son as seguintes:
– Melloras na Catedral de Lugo, Patrimonio da Humanidade dende o ano 2015. Conta cun orzamento de 93.000€. Melloras para facilitar o acceso ás persoas con mobilidade reducida e actuacións no atrio frontal da Catedral.
– En Monforte, na igrexa de San Miguel de Marcelle, repararase o muro perimetral do adro do edificio con 10.000€; e na igrexa de Santa María da Régoa, acondicionarase a cuberta e pintarase a fachada do edificio con 45.000€.
– Na igrexa de San Salvador de Vilaesteva, no Saviñao, con outros 50.000€, mellorarase a accesibilidade ao edificio, renovando o pavimento actual, que é de tarima flotante, por unha tarima de castaño.
– Na igrexa de San Cristovo da Cervela, no Incio, renovarase a cuberta da igrexa e faranse traballos de limpeza no campanario e de cuberta do cabildo. Esta actuación conta cun investimento de 50.500€.
– Na igrexa de San Pedro de Noceda, en Folgoso do Courel, arranxarase con 51.500€ a cuberta da nave principal e do campanario,