3.000 euros da Deputación para o roteiro de Vilachá de Salvadur

O Presidente da Deputación de Lugo, José Tomé Roca, asinou este martes co presidente da Asociación de Veciños de Vilachá de Salvadur, José Castiñeira Defente, o convenio de colaboración polo que a institución provincial inviste 3.000€ para a sinalización e acondicionamento do roteiro turístico de Vilachá de Salvadur, na Pobra do Brollón

Firma convenio Vilachá de Salvadur / Deputación Provincial

O roteiro de Vilachá de Salvadur é circular. Situado no Camiño de Inverno a Santiago de Compostela, conta con 8 quilómetros de lonxitude e o seu percorrido ten unha duración aproximada de 2 horas. O comezo e o final sitúase nas adegas de Vilachá de Salvadur, por ser este o espazo distintivo da parroquia, así como o elemento BIC integrado na candidatura da Ribeira Sacra a Ben Mundial.

En canto aos espazos polos que transcorre o camiño, inclúe o castro de Castrelado, a mámoa da Portela, as adegas medievais e dous miradoiros sobre os Canóns do Sil. Así mesmo, a tipoloxía do sendeiro permite que se poida facer a pé, en bicicleta ou noutras modalidades. 

O mandatario provincial salientou que esta actuación coincide co pulo que a Deputación de Lugo está a realizar para que a candidatura da Ribeira Sacra logre ser Patrimonio da Humanidade. “Unha candidatura impulsada pola institución provincial e á que logo se sumaron outras administracións, como a Deputación de Ourense e a Xunta de Galicia”, subliñou Tomé Roca. 

DEIXAR UN COMENTARIO

Please enter your comment!
Please enter your name here