O Concello de Sarria, na súa aposta polo coidado do medio ambiente e a sustentabilidade, iniciará unha expereiencia de compostaxe.
Sogama subministraralle 50 composteiros de 390 litros -fabricados con materiais reciclados e reciclables- cos seus correspondentes manuais de compostaxe. Poderán utilizalos todos os veciños e as veciñas de Sarria que teñan unha pequena horta ou xardín onde despois reutilizarán o compost que produzan.
Para participar desta iniciativa, os e as interesados/as poden acceder ao formulario de solicitude que estará colgado na páxina web do concello en www.sarria.es a partir do vindeiro luns 11 de xaneiro. A presentación da devandita solicitude, debidamente cumprimentada, realizarase no rexistro de entrada ou en sede electrónica antes do 29 de xaneiro.
A adxudicación dos composteiros farase por rigorosa orde de presentación e rexistro de solicitudes e comunicarase persoalmente aos interesados e ás interesadas. O mesmo día da entrega dos composteiros, xunto co seu manual de uso, ofrecerase un curso aos adxudicatarios/as.