O Consorcio Contraincendios de Lugo ampliará o persoal dos parques de Chantada, Sarria e Monforte

As contas do próximo ano permitirán, por unha banda, ampliar o persoal dos parques de bombeiros de Chantada, Sarria e Monforte de Lemos, cun novo efectivo en cada un, ata conseguir os 20 integrantes no conxunto do Consorcio.

O Consorcio Provincial Contraincendios e Salvamento de Lugo aprobou os orzamentos para 2022 con 5,6 millóns de euros, ademais de acordarse a ampliación do persoal nos parques de bombeiros de Chantada, Sarria e Monforte e melloras nas instalacións dos de Monforte e Barreiros.

Así o informan a Xunta e a Deputación de Lugo, que integran o citado consorcio. Sobre o orzamento do próximo ano, a Administración autonómica explica que achegará 2,3 millóns de euros, a mesma cantidade que achegará a institución provincial.

O director xeral de Emerxencias e Interior, Santiago Villanueva, participou por videoconferencia no pleno do Consorcio xunto co presidente da Deputación de Lugo, José Tomé.

As contas do próximo ano permitirán, por unha banda, ampliar o persoal dos parques de bombeiros de Chantada, Sarria e Monforte de Lemos, cun novo efectivo en cada un, ata conseguir os 20 integrantes no conxunto do Consorcio.

Ademais, levarán a cabo investimentos para mellorar a seguridade dos bombeiros e das instalacións con actuacións como a mellora das cubertas dos parques de Monforte de Lemos e Barreiros.

DEIXAR UN COMENTARIO

Please enter your comment!
Please enter your name here