C@urel Vivo quere que as pezas arqueolóxicas atopadas no Courel volvan a casa

C@urel Vivo levará a pleno  unha proposta para que se depositen, de novo no Courel, as pezas arqueolóxicas atopadas desde fai decadas e que hoxe están repartidas por salas de toda Galicia.

Restos arqueolóxicos Courel / C@urel Vivo

A petición que C@urel Vivo fai ao pleno é solicitarlle, á Dirección Xeral do Patrimonio Cultural da Consellería de Cultura, o material arqueolóxico atopado no Courel. Aseguran que as pezas poden ser visitadas igualmente no concello, xa que dispón de espazos para exposición e esta medida suporía un atractivo turístico máis para o concello.

Entre outras pezas, destacan a táboa da Hospitalidade , unha aguia romana de bronce (vexillum) ou os restos dunha muller do Mesolítico (9.300 anos) atopada nunha cova lindeira co Courel.

Para C@urel Vivo, os restos deben de estar no C@urel; de non ser devoltos, solicitan que a Consellería de Cultura, ceda reproducións en 3D para poder amosar as pezas a veciños/as e visitantes. Lembran que non se trata de escavar os castros e levar as pezas para “deixar en sacos mortas de risa, débese escavar a nosa historia, estudala e expoñer as pezas nun museo para poñelas en valor e a mellor opción é telas onde apareceron”.

DEIXAR UN COMENTARIO

Please enter your comment!
Please enter your name here