InicioMedio ambiente e PatrimonioAcodicionamento da ruta do pozo da ola no Incio

Acodicionamento da ruta do pozo da ola no Incio

Medioambiente financia o acondicionamento e sinalización desta ruta dentro do programa de axudas para a preservación de espazos incluídos na Rede Natura.

Publicado o

- Advertisement -

A ruta do Pozo da Ola é un percorrido a carón dos cauces dos ríos Cabe e Antiga, que transcorre por unha zona de alto valor paisaxístico e etnográfico enmarcada na Rede Natura 2000. O itinerario discorre pola parroquia de Trascastro, dende o quilómetro 5 da estrada que une A Cruz do Incio coa Ferreiría, e conta cun percorrido lineal duns 800 metros que remata no río Antiga.

Os traballos que se realizarán supoñen acondicionar o trazado e substituír un pontigo de madeira para permitir o paso en condicións de seguridade. Colocaranse balizas de sinalización ao longo do sendeiro, postes direccionais, dous bancos de pedra, paneis informativos e mesas interpretativas sobre os puntos de interese da contorna, como os muíños de Vila e Sancho.

A Xunta colabora con este proxecto co obxecto de poñer en valor os recursos naturais, paisaxísticos e etnográficos, que son fonte de riqueza social, medioambiental e económica, no marco dun desenvolvemento sustentable. No caso dos territorios da Rede Natura 2000 existe unha liña concreta de axudas dirixidas a preservar, restaurar e mellorar a biodiversidade destes espazos.

Dentro desta liña, teñen cabida iniciativas de creación de rutas e áreas recreativas, e os elementos de información e interpretación, como paneis informativos ou  observatorios, relacionados coa mellora do carácter de utilidade pública das zonas da Rede Natura.

ÚLTIMAS

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...

A Deputación urxe á Xunta a acometer o desdobramento da totalidade do corredor Nadela-Monforte

O Presidente da Deputación de Lugo, José Tomé Roca, evidenciou a necesidade de completar...

A Xunta reactiva as notificacións para queimas agrícolas

A Xunta de Galicia decidiu volver activar os permisos para queimas agrícolas de particulares....