Talas de madeira sen autorización en Sober?

Agroma Sober proporá ao Concello que se informe á veciñanza e ás Comunidades de Montes sobre as leis e normas en vigor.

Terreo talado / Agroma Sober

Segundo Agroma Sober, a Comunidade de Montes “A Fenteira” de Brosmos (parroquia de Santa Cruz de Brosmos, Concello de Sober) levou a cabo unha tala de piñeiros en terreos do monte comunal, no primeiro trimestre de 2018. Esta tala foi denunciada ante a Confederación Hidrográfica Miño-Sil por terse feito na contorna dun regato e sen autorización.

A Confederación Hidrográfica Miño Sil comprobou que se produciron dúas talas na parroquia de Santa Cruz sen dispor de autorización administrativa, unha en propiedade da Comunidade de Montes de Santa Cruz de Brosmos e outra “na  zona de policía da marxe dereita do río Fraga, non afectando á zona de servidume, nin ao cauce.”

Desde Agroma Sober anuncian que pedirán á Xunta os expedientes de permisos de corta nesta parroquia. Aseguran que comprobaron a magnitude da corta e consideran que debe informarse máis á cidadanía sobre as leis e normas en vigor en materia de corta de madeira, tanto no que ten que ver coa solicitude de permisos como nas obrigas de retirada de restos de corta ou na necesidade de non deteriorar os valados e camiños.

DEIXAR UN COMENTARIO

Please enter your comment!
Please enter your name here