Chantada será a primeira parada do programa “Referentes galegas nas aulas”

Este ciclo de charlas levará a mulleres referentes en diversos sectores ás aulas de ESO, Bacharelato e FP.

Presentación do programa Referentes galegas nas aulas / Deputación de Lugo

O próximo luns día 17 dará comezo o programa “Referentes galegas nas aulas” no instituto IES Lamas das Quendas de Chantada. Esta iniciativa ten como obxectivo que os alumnos de entre 15 e 18 da provincia de Lugo coñezan a mulleres referentes en distintos eidos profesionais, para darlle visibilidade entre os mozos ás mulleres profesionais da comunidade.

Esta primeira charla terá como protagonistas a Alicia Estévez Toranzo, catedrática de Microbioloxía da Universidade de Santiago de Compostela, e a Isabel Aguirre de Úrcola, directora da Escola de Paisaxe Juana de la Vega. En total, son 14 os institutos que participarán destes encontros organizados pola Diputación de Lugo en colaboración coa Asociación de Executivas de Galicia.

As poñentes deste programa explicaranlles aos alumnos a súa traxectoria profesional e interactuarán con eles ante calquera dúbida. Preténdese que sexa unha actividade transversal na que os mozos tamén traballen coas súas habilidades sociais e comunicativas e conseguir así unha experiencia educativa e formadora.

DEIXAR UN COMENTARIO

Please enter your comment!
Please enter your name here