O traballo realizado polos internos e internas da residencia DomusVi de Bóveda, persoas con discapacidade, forma parte das actividades colaborativas que levan a cabo con diferentes entidades e eventos. Estas accións, ademais de darlles visibilidade, serven para unha estimulación física, psíquica e intelectual de cara a mellorar a súa calidade de vida.
O número de participantes para elaborar esta fermosa faixa foi de 10 persoas que participaron activamente en todo o proceso. Segundo comenta a educadora social, “dende que se propuxo a idea anotouse quen quixo, e entre todos e todas elaborouse o deseño para confeccionar a pancarta”.
Os labores de confección realizáronse dende o departamento de Educación Social do centro e na foto que abre este artigo pódese ver o momento da entrega do traballo ao Concello de Bóveda.
A pancarta lucirá o 14 de xullo na Feira Tradicional Outrora de Rubián como mostra de colaboración e integración social das persoas que viven nesa residencia.