Defensa persoal para mellorar a autoestima feminina en Chantada

A Asociación de Empresarios de Chantada, en colaboración co C.I.M. e o Centro Deportivo Arena de Chantada, organizan unha formación encamiñada a combater a violencia de xénero e reforzar a confianza cotiá das mulleres.

Defensa persoal feminina. Ilustración cartel anunciador.

O vindeiro 1 de febreiro comezará o primeiro curso continuado de defensa persoal feminina que se impartirá no Centro Deportivo Arena da vila chantadina e que estará impartido por un especialista na materia.

O Centro de Información á Muller (CIM) de Chantada colabora con este curso porque entre os seus cometidos está o de combater a violencia de xénero e esta pode ser unha alternativa máis para contribuír a mellorar a autoestima e a sensación de seguridade das mulleres.

A iniciativa do curso vén da Asociación de Empresarios de Chantada e CCA Ribeira Sacra que, dado o clima social de violencia de xénero que sufrimos e do que esta vila non é alleo, presentoulle a este centro deportivo a posibilidade de ofrecer unha formación específica que axudase dalgunha forma a dotar de ferramentas emocionais e físicas ás mulleres co fin último de mellorar os seus niveis de confianza e de seguridade.

O Centro Deportivo Arena informa así mesmo que doará 1 euro por cada muller que se apunte para destinar a algunha asociación de mulleres vítimas de violencia de xénero.

DEIXAR UN COMENTARIO

Please enter your comment!
Please enter your name here