‘Vivas e Visibles’, programa de actividades no mes da muller en Sarria

O concello organiza varias actividades educativas e culturais esta fin de semana para concienciar sobre a igualdade. Presentacións, homenaxes ou a II Carreira da Muller son algunhas delas.

Imaxe 'Mes da Muller' en Sarria. Ilustración: Lucía Durán

Será a III edición deste ciclo, que baixo o lema “Vivas e Visibles”, aposta un ano máis por iniciativas divulgativas e culturais que pretenden concienciar á cidadanía sobre a necesidade dunha igualdade efectiva e real.

Esta mañá houbo xa unha interesante actividade no IES Xograr Afonso Gómez. Baixo o título “Memoria do Silencio”, título do libro de Eva Mejuto, a autora falou sobre mulleres silenciadas da Historia e estivo acompañada musicalmente de ‘Su Garrido Pombo’.

Para o sábado día 9 de marzo está programada a II Carreira da Muller ‘Vivas e Visibles’. A saída será ás 18:00 h. no Bulevar de Calvo Sotelo á altura de Catro Camiños e a meta estará no Malecón do Río. Haberá dúas modalidades, a carreira para maiores de 12 anos e unha alternativa para todas as idades sendo a distancia a percorrer de 5 quilómetros. O percorrido non presenta desnivel, mestura zona urbana con natureza e estará moi ben sinalizada. A entrega de dorsais será no Malecón do río Sarria de 16:00 a 17:30 h, os menores de idade deben ir acompañados dun adulto e cómpre inscrición previa nesta web. Ao rematar, a organización ofrece avituallamento sólido e líquido a todos/as os/as participantes.

Outra das actividades deste programa é “Ollares de Liberdade” na que se fai unha homenaxe ás mulleres da Comarca de Sarria. Será o domingo 10 de marzo ás 19:00 h. na Casa da Cultura. Mulleres que souberon rachar moldes na procura dunha liberdade que lles permitiu exercer diferentes oficios: Palmira Días Gallego, Teresa López Méndez, Purificación García Hevia, Pilar García, Marité Guillade, Concha López Fernández, Violeta Bernardo e Amable Alonso.

DEIXAR UN COMENTARIO

Please enter your comment!
Please enter your name here