Emilio Sánchez, candidato do BNG, visita os barrios monfortinos

A campaña electoral colle velocidade e os candidatos á alcaldía de Monforte de Lemos enchen as axendas de actividades para dar a coñecer o seu programa ás veciñas e aos veciños.

Emilio Sánchez, candidato á alcaldía de Monforte polo BNG. Foto: BNG

Dentro da axenda que ten marcada Emilio Sánchez para este día 15 de maio destacan as visitas aos barrios do Hospital e Carude. Estas visitas, nas que irá sempre acompañado de xente da candidatura, servirán para falar cos veciños e veciñas trasladándolles os seus proxectos para Monforte coa entrega en man do programa de goberno e escoitando tamén as súas demandas.

A visita ao Barrio do Hospital está programada para as 11:30 h. e a visita a Carude a partir das 19.00 h.

Para última hora da tarde tamén ten previsto na axenda dous encontros con veciños e veciñas en dúas parroquias do concello. Ás 20:00 h. xuntarase coa xente da parroquia de Sindrán e ás 21:15 h. estará na parroquia de Vilamarín. Tamén estará acompañado de integrantes da candidatura e os encontros serán nos respectivos locais sociais das parroquias mencionadas.

DEIXAR UN COMENTARIO

Please enter your comment!
Please enter your name here