Katherinie Varela é nomeada presidenta da xestora do PP de Monforte

Substitúe a Miguel Lemos, quen puxo o seu cargo a disposición da dirección do PP.

Katherinie Varela toma posesión do seu cargo de Concelleira / Cedida

Katherinie Varela foi nomeada presidenta da xestora do PP en Monforte o pasado martes día 18. Substituirá a Miguel Lemos, que puxera o seu cargo a disposición da dirección provincial do partido, que ocupa Elena Candia.

Varela xa foi candidata á alcaldía polo PP nas eleccións municipais do pasado 26 de maio e este sábado tomou posesión do seu cargo como concelleira e portavoz do Grupo Municipal do PP. Acompañárona os outros representantes populares electos: Roberto Eireos, Manuel Rodríguez e Víctor Rodríguez.

Ante esta nova, Katherinie Varela sinalou que a súa prioridade é conformar un equipo de traballo plural que sume todas as posturas dentro do Partido Popular. “Contaremos con todos os que queiran sumarse a este proxecto e facendo un labor de oposición responsable e comprometida”, declarou Varela.

DEIXAR UN COMENTARIO

Please enter your comment!
Please enter your name here