Incendios e mala imaxe coas estradas provinciais sen desbrozar

O Grupo Provincial Popular lamenta que as estradas de titularidade provincial estean sen desbrozar ao estar abertos os procesos de contratación destes traballos a estas alturas do verán.

Traballo de desbroce. Fonte: Prensa da Deputación de Lugo

Os populares veñen denunciando desde comezos do verán o estado de abandono das marxes das estradas provinciais. Consideran que se a situación era lamentable ao comezo, nestes primeiros días de agosto “é totalmente insostible”. Esíxenlle ao presidente, que  é tamén o responsable de Vías e Obras, que tome cartas no asunto para non proxectar unha mala imaxe da provincia.

Lembran desde o PP que a falta de limpeza de maleza contribúe a aumentar o risco de posibles incendios nunha época de altas temperaturas e limita a visibilidade dos condutores podendo ser a causa de posibles accidentes de tráfico.

Segundo o PP estes retrasos xa se teñen dado en anos anteriores, o que demostra “o desleixo dos dirixentes provinciais”. Para dar solución a esta situación, os populares presentaran, no 2017, varias propostas e rogos pedindo ao equipo de goberno a axilización do procedemento de contratación das obras de desbroce e o inicio da súa execución. Lamentan que a pesar destas propostas desde o PSOE non se teña corrixido a forma de actuar o que provoca, segundo os populares, que as estradas “sexan intransitables nesta época”.

 

 

 

 

DEIXAR UN COMENTARIO

Please enter your comment!
Please enter your name here