Dos 1.054.944,06 euros que recibirán os concellos de Galicia directamente do Estado para destinar á loita contra a violencia de xénero, a provincia de Lugo recibirá 152.225,31 euros.
Isabel Rodríguez reiterou a importancia de que os concellos recuperaran as competencias en materia de igualdade e de violencia de xénero tras a reforma da lexislación aprobada polo Goberno de Pedro Sánchez.
O Real Decreto aprobado polo Goberno contempla unha serie de axudas para que os concellos podan xestionar as súas políticas en violencia de xénero, o que demostra o compromiso do Goberno nesta materia. Así, pois, ademais desenvolver as competencias á administración local faise unha dotación económica para poder desenvolver as accións correspondentes.
A subdelegada do Goberno informou que para este 2019 os concellos da provincia recibirán máis de 152.000 euros. A cantidade que lle corresponde a cada municipio resulta de sumarlle á cantidade fixa de 689 euros unha cantidade variable resultado de multiplicar 0,18 euros por habitante.
A maiores, a normativa establece que aqueles municipios que estean incorporados ao Sistema Integral de Violencia de Xénero (Viogen) recibirán máis aportación, ao reservarse unha parte o fondo estatal a este fin. Esta achega adicional para os concellos que participen no ‘Viogen’ será distribuída proporcionalmente entre eles.