Segundo os nacionalistas este datos son inadmisibles para o Concello de Quiroga e son consecuencia das políticas do equipo de goberno. Consideran desde o BNG que esta situación se debe, en gran medida, ás políticas de contratación a través do Concello, á desatención en materia de desenvolvemento económico e, entre outras cuestións, á falta de previsión coa crise do sector da pizarra.
Cun 49% da poboación menor de 18 anos en situación de pobreza, resultado de “32 anos de política acomodada”, segundo o BNG; piden os nacionalistas que o Concello de Quiroga reaccione de inmediato.
O BNG estuda levar o tema ao vindeiro Pleno Municipal, para coñecer a política en materia de desenvolvemento económico local que ten o equipo de goberno e esixir medidas para paliar a situación económica.