Monforte de Lemos, baluarte socialista na comarca nas eleccións do 10N

Agás Monforte e Ribas de Sil, no resto dos concellos gañou o PP.

Votación José Tomé / PSOE

Os resultados das eleccións xerais na provincia de Lugo, co 100% escrutado, deixan o mesmo escenario que nos comicios do pasado mes de abril, cos catro escanos para repartir equitativamente entre PP e PSOE.

Os ‘populares’ gañaron de novo en votos, pero non en escanos, quedando cos mesmos que o PSOE (dous), malia ter os conservadores algo máis dun 6% de votos. Esa é a gran novidade respecto ás anteriores eleccións, cando houbo un empate técnico, co 33,60% para o PP e un 33,22% para os socialistas.

Destacan tamén as subas de máis de dous puntos de BNG e Vox –insuficientes para acadar escano–, a leve baixada dun punto de Unidas Podemos e a desfeita de Ciudadanos, que de ser a cuarta formación pasa agora ao sexto lugar, perdendo case seis puntos.

Na Comarca de Lemos destaca a victoria do PSOE en Monforte, co 35,73% dos votos fronte ao 33,15% do PP. Tamén en Ribas de Sil, onde arrasaron os socialistas co 47%. En todos os concellos da comarca o PP foi o vencedor.

PARTIDOS Escanos’10N Por’10N Esc’28A Por’28A
PP 2 38,13% 2 33,60%
PSOE 2 31,93% 2 33,22%
UnidasPodemos(1) 0 9,17% 0 10,14%
Vox 0 8,12% 0 5,73%
BNG 0 7,21% 0 4,83%
Ciudadanos 0 3,20% 0 8,91%

DEIXAR UN COMENTARIO

Please enter your comment!
Please enter your name here