O BNG do Saviñao denuncia o abandono da Devesa de Escairón

O BNG do Saviñao leva anos intentando que o Concello inicie os trámites para declarar a Devesa de Escairón como Espazo Natural de Interese Local.

Devesa de Escairón/G.m.

A Devesa de Escairón é un lugar de árbores centenarias e de interese ambiental; unha mestura de souto e carballeira formada por diversas especies de árbores que sempre foi un orgullo para os veciños da zona.

Dende o BNG do Saviñao denuncian o estado de abandono que presenta actualmente polo desinterese absoluto do alcalde. Un carballo centenario partiuse á metade por causa das tormentas destes últimos días e os castiñeiros están infectados. Un estado de decadencia por parte do mandatario local que dende o BNG queren poñer fin canto antes. Por outra banda, esperan que nun futuro inmediato o mandatario local leve a cabo un plan de conservación da Devesa e que se inicien os trámites para declarar a zona como Espazo Natural de Interese Local tal como se acordou en maio de 2007.

Castiñeiro danado polas últimas tormentas/BNG Saviñao

DEIXAR UN COMENTARIO

Please enter your comment!
Please enter your name here