InicioPolíticaAgroma Sober reivindica impulsar un modelo turístico "non depredador"

Agroma Sober reivindica impulsar un modelo turístico “non depredador”

Segundo Agroma Sober, a crise revitalizará o turismo interno e propiciará formas de visita en pequenos grupos e o turismo rural e alugueiro de casas, "o que pode provocar unha afluencia masiva en agosto."

Publicado o

- Advertisement -

O turismo é dos sectores máis afectados pola crise do coronavirus, pero desde Agroma Sober consideran que tamén é unha oportunidade para mudar de modelo, e avanzar nun xeito de facer “turismo non depredador, con alto valor engadido e que dea unha oportunidade a lugares coma Sober.”

Agroma Sober sinala que os negocios relacionados co turismo están situados na incerteza e no caso do concello de Sober, piden que se lles apoie desde a administración local con promoción e acompañamento para acadar un turismo seguro a nivel sanitario e que deixe valor engadido en Sober. A este respecto presentan unha moción solicitando:

  • Dirixirxe á Deputación Provincial de Lugo, á Xunta e ao Consorcio de Turismo da Ribeira Sacra para promover campañas potentes de formación en relación á prevención da COVID 19.
  • Dirixirxe á Deputación Provincial de Lugo, á Xunta e ao Consorcio de Turismo da Ribeira Sacra para facer campañas e paquetes de promoción do turismo interprovincial.
  • Reunir a Comisión Municipal de Turismo á maior brevidade posible para debater sobre o modelo turístico e medidas para afrontar as vindeiras tempadas entre os axentes turísticos do Concello.
  • Potenciar as rutas de sendeirismo e turismo activo, mantendo limpas as mesmas e con sinalización axeitada, adecuando as existentes e pensando en novos sendeiros, en colaboración coas asociacións culturais e veciñais da zona, así como co sector turístico.
  • Dotar as rutas e zonas turísticas con sinalización oportuna relativa á prevención da COVID 19 (rutas dun só sentido, cartelería informativa sobre as normas sanitarias, límite de aforos en tramos e elementos, ordenación de camiños, etc), de acordo co Consorcio de Turismo da Ribeira Sacra.
  • Apostar por códigos QR para a información turística.

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...