InicioPolíticaO BNG Lugo-Sul celebrará o 25 de xullo con multitude de eventos

O BNG Lugo-Sul celebrará o 25 de xullo con multitude de eventos

Interesantes actividades, programadas en diferentes puntos da comarca de Lemos, que comezarán o día 20 e rematarán o Día da Patria en Compostela.

Publicado o

- Advertisement -

Sumar por Galiza é o lema escollido polo BNG Lugo-Sul para celebrar o 25 xullo. Unha data que este ano fai o seu 50 aniversario; no ano 1968 o nacionalismo galego foi quen de desafiar a represión franquista e recuperar a manifestación nas rúas de Compostela para celebrar tan sinalada data.

Deste xeito, o venres 20 de xullo darán comezo os actos de celebración coa proxección da película-documental Sitio distinto, presentada por Xosé Estévez e dirixida por Davide Cabaleiro, ás 20:00 horas no Centro do Viño de Monforte. Ó día seguinte, o sábado 21, Santiago de Cangas, en Pantón, acollerá ás 14:00 horas un xantar homenaxe á figura de Xesús Álvarez Goianes (Suso de Pantón), exconcelleiro do BNG, moi involucrado na política comarcal e recentemente finado.

Para o 24 de xullo, dende a formación nacionalista hai programada unha conferencia na Casa da Cultura da Pobra do Brollón Olga Novo a cargo do historiador, profesor e ensaísta Xosé Estévez. O acto terá lugar ás 20:00 horas baixo o título “Castelao: guieiro galego e líder Galeusca”.

Finalmente, o propio día da patria, o 25 de xullo, os integrantes da formación política xunto con todos os veciños que desexen participar, viaxarán ata Santiago de Compostela para acudir á manifestación que partirá da Alameda e para a que sairá un autobús das Casitas da Compañía de Monforte ás 9:45 horas, sendo preciso anotarse. Para poder participar no posterior xantar tradicional na Carballeira de Compostela, os interesados deberán inscribirse na Sede Comarcal.

 

ÚLTIMAS

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...