A Consellería de Sanidade ‘ningunea’ ao Concello de Láncara?

O Alcalde de Láncara, Darío Piñeiro, denuncia que non se lle facilitan os datos sobre o número de afectados pola COVID, feitos que xa trasladou á Valedora do Pobo.

Darío Piñeiro López. Fonte: Psoe Lugo

O rexedor do Concello de Láncara denuncia que a Consellería de Sanidade non lle facilita os datos de afectados pola Covid-19, motivo polo que tamén decidiu trasladar esta cuestión á propia Valedora do Pobo “tras os constantes ninguneos da Xunta”, afirma.

Na contestación á consulta realizada, a Valedora puntualiza que “no caso de persistir a actitude da Consellería de Sanidade, procederemos a realizar unha advertencia sobre as súas consecuencias legais”.

Darío Piñeiro afirma que “só queremos que nos informen con luz e taquígrafos da situación de afectados no noso Concello, nin máis nin menos, coa única finalidade de traballar e cooperar con transparencia con todas as administracións públicas”.

Abondando no anterior, o alcalde explica que “en moitas ocasións enterámonos dos afectados a través dos medios de comunicación, esta situación é intolerable”.

DEIXAR UN COMENTARIO

Please enter your comment!
Please enter your name here