O transporte escolar do Courel no Parlamento de Galicia

O PSdeG vén de presentar un proxecto non de lei na comisión de educación do Parlamento de Galicia co obxecto de emendar "o desastre que a Xunta está a provocar no Courel por mor dos cambios que suporá a nova licitación dos contratos de transporte escolar."

Concentración transporte escolar / Persoal municipal

A proposición plantexa a separación do lote no que están incluidas as rutas do concello de Folgoso do Courel, co obxecto de que os taxistas locais poidan concursar, así como o mantemento das seis rutas actuais e a utilización de vehículos pequenos de 7-9 prazas.

Estas son as reclamacións que a Anpa do Courel está a facer para evitar o deterioramento do servizo para os nenos do Courel, e a perda de postos de traballo, tecido empresarial, servizos (taxis) e poboación que suporán os novos contratos de transporte tal e como os plantexa a Xunta de Galicia.

Desde a Anpa sinalan que o Bng votou a favor desta proposición e o Pp en contra, “aludindo a que a súa obriga non é a de atender intereses empresarais particulares, en referencia aos taxistas locais que actualmente ofrecen o servizo.”

DEIXAR UN COMENTARIO

Please enter your comment!
Please enter your name here