InicioPolíticaInterior Galego Vivo contra os novos impostos da auga

Interior Galego Vivo contra os novos impostos da auga

A Xunta de Galicia pretende aprobar dúas novas taxas que van afectar a factura da auga. Trátase de dous canons incluídos no Anteproxecto de lei para a xestión integral do ciclo da agua.

Publicado o

POR
Redacción
- Advertisement -

Segundo a plataforma IGV, a nova lexislación castigará máis ás persoas consumidoras domésticas, “nomeadamente a quen teña un consumo máis baixo que, polo xeral, son fogares máis humildes. Contodo, contémplanse bonificacións de 50% para familias numerosas e fogares en risco de exclusión social, mais dende Interior Galego Vivo sostemos que para estas últimas moradas deberían ser do 100% as bonificacións. Estimacións de profesionais do sector sitúan a suba do recibo en 180% na auga dos fogares e 130% no caso das empresas.”

Así, as candidaturas integradas na Plataforma Interior Galego Vivo proporán nos municipios mocións que pretenden sacar adiante os seguintes acordos:

1.- Demandar do Goberno da Xunta a paralización do Anteproxecto de lei para a xestión integral do ciclo da agua e a súa tramitación desde o diálogo social e incorporando os principios de proporcionalidade e progresividade fiscais.

2.- Elevar á Xunta a exixencia de saneamento e depuración axeitadas nas parroquias do rural para o que son necesarias maiores dotacións e destinar parte dos gravames recadados por Augas da Galiza no municipio, de ser o caso.

3.- Instar ao Goberno galego a deseñar un plano para toda Galiza, a comezar polo interior galego e os concellos e parroquias atinxidos por figuras de protección como a de Reserva de Biosfera, para dotar con carácter urxente de sistemas de depuración de augas residuais e saneamento a estes territorios.

4.- Solicitar apoio da FEGAMP na defensa destes acordos, así como pór os mesmos en coñecemento dos concellos adheridos por se quixesen apresentar solicitudes análogas.

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...