InicioPolíticaO BNG do Incio entrega sinaturas contra o Parque Eólico da Boibela

O BNG do Incio entrega sinaturas contra o Parque Eólico da Boibela

Carme Aira explica que “A pervivencia do concello depende de que nel se instale poboación, que se xere un tecido socioeconómico en torno a actividades de respecto ao medio que atraian turismo de calidade, o cal é incompatibel cos eólicos. Está estudado e demostrado que eólico é igual a desertización".

Publicado o

POR
Redacción
- Advertisement -

O BNG do Incio asistiu a varias xuntanzas con persoas particulares e colectivos de defensa do territorio, para avaliar o impacto dun proxecto eólico. Os nacionalistas do Incio cren que cómpre facer públicos os datos obxectivos do que “estaba proxectado” e durante semanas recolleron sinaturas que veñen de presentar. Fixérono cunha campaña na que se solicita ao alcalde unha posición clara e pública do Goberno Municipal en contra do Parque Eólico da Boibela que se proxecta na zona máis agreste e conservada do municipio.

A deputada nacionalista do Incio, Carme Aira e o responsable local José Moscoso fixeron entrega de case 100 sinaturas que avalan un escrito no que se relatan os danos patrimoniais dunha zona aínda sen catalogar na súa totalidade. “A instalación do parque non respecta ningún elemento protexido polo Plan Xeral de Ordenación Municipal, nin os monumentos histórico-artísticos ou BIC,” asegura o BNG.

José Moscoso comenta que “As pequenas iniciativas son as que nos traerán futuro, por isto é fundamental rexeitar empresas que deterioren o medio, é inmprescendible que esa alcaldía se manifeste en contra publicamente deste tipo de empresas ou de outras similares que no futuro queiran instalarse.”

Eólicos O Faro / XdL

Dende o BNG celebran as declaracións do alcalde a favor do patrimonio que cualifican de “morno”, polo que insisten en pedir ao Goberno Municipal un posicionamento público, claro e rotundo en contra do citado Parque e que veña acompañado das “medidas necesarias para evitar o que podería ser o maior atentado histórico natural do noso concello, ademais de lembrar que foi a recente declaración de Reserva da Biosfera que parece as parece ter propiciado, e non tanto o soberano posicionamento dun goberno municipal que debe protexer a xente e o territori,” conclúe o BNG.

ÚLTIMAS

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...